دمك مش رخيص يا خالد

http://qik.com/video/7812866

فكره اننا نعمل وقفة بطريقة راقية وجميلة بحيث كلنا نشارك فيها من غير اي خوف ومنضايقش اي حد .. دي طريقة ايجابية للتعبير فيها عن ان مصر فيها شباب بيحبوا بعض وبيخافوا على بعض.

كلنا هنروح الكورنيش .. نتفق على نقطة نبدأ منها .. محدش فينا يعرف التاني .. ومحدش محتاج يعرف حد .. كل واحد هيدي ضهره للشارع ويكون لابس تيشرت اسود ويقف ساعة على الكورنيش يدعي لخالد ... ويا ريت المسلم يجيب مصحف والمسيحي يجيب انجيل ويقراه فيه علشان يفيد الشهيد خالد

حاليا بنفكر في المكان والزمان .. بس يا ريت كلنا ننضم علشان نقدر نعمل حاجة حضارية راقية وايجابية

يا ريت المرة دي نثبت بطريقة حضارية اننا بنحب بلدنا وبنخاف على بعضنا ..ايدكم في ايد بعض يا مصريين.


تنبيهات مهمة علشان يبقى المنظر حضاري:

- دي مش مظاهرة دي وقفة سلمية بدون أي صوت

- ممنوع اصطحاب أي منشورات أو أوراق أو لافتات

- ممنوع استغلال الحدث ده بأي شكل سياسي من أي جهة .. احنا شباب مصريين بنحب مصر وبنخاف على بعض وبس .. والاحزاب والمعارضة والناس دي كلها تيجي تشارك كافراد

- بلاش التجمهر حوالين بعض حتى لو كنتم اصحاب

- بلاش البدء في توجيه أي هتافات .. احنا رسالتنا هتوصل بشكل راقي أن فيه شباب متعلم واعي في مصر بيحب بلده وبيخاف على بعضه

- محدش يكلم أي حد ميعرفوش حتى لو لابس زيه تيشرت اسود .. تاني الغرض كلنا نوصل صوتنا بدون تعريض أي واحد مننا لأي خطر أو مشكلة .. خليك في حالك .. أنت رايح على الكورنيش وتقف مع نفسك ولابس تي شيرت اسود وبس.

بس فى اسكندريه هتكون على البحر وهبلغكم بالمكان بالظبط عشان اللى عايز يروح

يارب يا ميما يارب
وميرسىىى اووووووى لمتابعتك يا قمر
بجد منورانى

يا شباب مصر .. دي فرصة نثبت إننا متحدين .. أكتر من خمسة آلاف واحد قال انه هييجي يا ريت نشوفكم كلكم في كورنيش النيل وكورنيش الاسكندرية. يا جماعة لو كل واحد تواكل إن الباقي رايح محدش هيروح وهنبقى فشلنا وخذلنا ,الشهيد وأمه واللي بيتعذبوا كل يوم ويموتوا .. عايزين نوصل رسالتنا بشكل واضح. يا ريت يا جماعة محدش يخذلنا ارجوكم. وطمنوا أهاليكم إننا مش هنعمل مظاهرة ولا هنهتف ولا أي حاجة مجرد هنروح نقعد على البحر ونشم هواء ونفتكر أخونا خالد.

~-~-~-~-~-~-~-~-

تعليمات هامة في كل من القاهرة والإسكندرية:

- متقلقوش قانونا الامن ميقدرش يعمل لكم أي حاجة وطالما انتم مش هتعطلوا المرور أو تتجمعوا مش هيحصل أي مشكلة.

- الكل يرتدي تيشيرت اسود سادة لو يقدر .. بلاش المشجر او المقلم .. أسود سادة يا جماعة ونفس الكلام للبنات

- هات معاك مصحف أو إنجيل أو جهاز إم بي ثري واسمع حاجة مفيدة

- الوصول للكورنيش الساعة خمسة بالضبط يا ريت محدش يتأخر لأن لو فيه ناس اتأخرت بالربع أو النصف ساعة هيفقد الموضوع معناه. يا ريت الوصول الساعة خمسة بالدقيقة وأماكن الوصول هيتم ذكرها أدناه لكل من القاهرة والإسكندرية.

- يمنع منعا باتا اصطحاب أي منشورات أو أوراق أو لافتات أو أعلام وما شابه

- ممنوع الهتاف بأي شكل من الأشكال .. نحن صامتون لا نتحدث .. نحن غاضبون بصمتنا .. مش هنتكلم مع حد .. حتى اللي زينا.

- ظهرك للشارع .. احنا زعلانين من البلد والحكومة ومدينها ضهرنا ووشنا للبحر أو النيل.

- لا تتجمهر بعد انتهاء الساعة .. بل قم بالتحرك مباشرة وفورا بعيدا عن الكورنيش في الناحية الأخرى. ويجب ألا يكون هناك أي مجموعات حتى ولو أصدقاء متواجدين على الكورنيش بعد انتهاء الوقفة.

- لا تتحدث مع أي شخص لا تعرفه ولا ترد على أي إساءة شفهية لك من قبل أحد المارة وده وارد يا جماعة لأننا بنعمل حاجة غريبة.

- المسافة بينك وبين أي زميل ليك لابس تيشيرت إسود تكون على الاقل خمسة متر. ومينفعش اتنين يقفوا جنب بعض ويتكلموا لأن عايزين ننتشر على أكبر رقعة في الكورنيش.

- من الساعة ستة إلا ربع للساعة ستة يمكن ان ترفع ايدك للدعاء الاختياري لخالد سعيد ان ربنا يرحمه وانه ميحصلش كده لأي واحد تاني.

- إذا شعرت بأي خطر أمني مثلا شخص يرتدي ملابس ميري أو مدني يأمرك بالتحرك من مكانك لا تدخل في أي نقاش وتحرك بالفعل من مكانك وامشي على الكورنيش.

- في حالة مخالفة أي قواعد من المذكورة سابقا من طرف الناس اللي قاعدين جنبك يا ريت تقوم فورا وتتحرك من مكانك وتختار مكان تاني .. أي مجموعة تخالف القواعد دي محدش يقعد جنبهم.

- في حالة وجود عساكر الداخلية لمنطقة الكورنيش وده أمر مستبعد جدا بسب طريقتنا الحضارية فساعتها الخطة هتكون اننا نمشي في شوارع الاسكندرية الداخلية لمدة ساعة .. وبرضه تاني نمشي مع نفسنا مش مع أي حد ومش هنتكلم مع أي حد من المارة

- عايزين شباب يجيب معاه كاميرات ديجيتال ويصور الأحداث دي .. عايزين ناس تعدي بالعربية وتصور الكورنيش واللي ان شاء الله هيتملي بالناس.

- لو حضر ٣٠٠٠ شخص في القاهرة والاسكندرية هنملا مالايقل عن ١٠ كيلو ودي مسافة رهيبة.

يا جماعة محدش يتخلف عن الحضور من فضلكم!

~-~-~-~-

نقاط التجمع:

اختر المنطقة التي تقترب من بيتك .. ولا تقف في وسط الزحام إذا وجدت شبابا وبنات بتيشرتات سوداء تحرك وابتعد مسافة خمسة متر عن أقرب واحد فيهم واجلس

~-~-~-~-~-~-~-~-

الإسكندرية:

- منطقة المنتزه بجوار فندق شيراتون المنتزه
- منطقة كليوباترا
- منطقة سان ستيفانو
- منطقة مكتبة الاسكندرية

~-~-~-~-~-~-~-~-

القاهرة:

- مقابل ميدان التحرير
- أمام فندق الفور سيزونز
- قبل منطقة القصر العيني
- أمام المعادي مدخل 1

https://www.facebook.com/video/video.php?v=119254794784238

https://www.youtube.com/watch?v=xmExOTU1_B8&feature=related

إلغاء التقييم
ضعيف
مقبول
جيد
جيد جداً

مظاهرة القوى السياسية بالإسكندرية أمام منزل خالد أمس-تصوير:أحمد رمضان




فجرت هيئة المدعين بالحق المدني في قضية مقتل خالد سعيد الشهير بقتيل الشرطة مفاجأة جديدة بتأكيدها أن لفافة البانجو التي قالت وزارة الداخلية إن خالد قام بابتلاعها يصل قطرها إلي 2.5 سم فيما يصل طولها إلي 7.5 سم وهو ما يجعل فكرة دخولها إلي القصبة الهوائية شبه مستحيلة.

وقال محمد عبد العزيز ـ المحامي ـ إنه في حالة صدق رواية وزارة الداخلية حول ابتلاع خالد لفافة البانجو كان يجب أن تظهر مجموعة من العلامات حول القصبة الهوائية لكن هذا غير موجود ولم يتم الكشف عنه في معاينات الطب الشرعي، وهو ما يفتح الباب نحو التشكك في هذه الرواية خاصة أن الطبيب الشرعي قام بإرسال اللفافة إلي المعمل الكيماوي دون تحريزها.

وأشار المحامي إلي أن معاينة الطبيب الشرعي أثبتت وجود قطع بالقصبة الهوائية لكن شكل القطع ليس مطابقاً لحالة الاختناق ببلع لفافة البانجو، ومن الممكن أن يكون القطع ناتجاً عن ضربه بقوة عليها وهو ما تؤكده شهادات الشهود.

من جهة أخري أعادت اللجنة الثلاثية للطب الشرعي دفن جثة خالد سعيد بمدافن المنارة بعد إعادة تشريحها بحضور عم القتيل وخاله وشقيقه، بينما رفض المستشار أحمد عمر ـ رئيس نيابة الاستئناف بالإسكندرية ـ الإعلان عن التقرير الأولي للجنة الثلاثية المنتدبة من مصلحة الطب الشرعي برئاسة كبير الأطباء، مؤكداً أن النائب العام سيعلن عنه خلال أربعة أيام.

وفي سياق متصل نظم المئات من شباب القوي السياسية بالإسكندرية مظاهرة جديدة أمام منزل خالد سعيد بميدان كليوباترا وسط تشديد أمني، وشارك في المظاهرة الشيخ أبو عمر المصري وممثلون لمراكز حقوقية فضلاً عن ممثلين لأحزاب التجمع والوفد والكرامة والغد والجبهة الديمقراطية والجمعية الوطنية للتغيير ومركز الدراسات الاشتراكية وحملة دعم البرادعي وجماعة الإخوان المسلمين.

وطالب المتظاهرون بتقديم القتلة إلي المحاكمة العاجلة وتغليظ العقوبات عليهم، كما طالبوا بمحاسبة وزير الداخلية لمسئوليته السياسية عن وقائع التعذيب وآخرها مقتل الشاب خالد سعيد.

وفي نفس السياق أعلنت جماعة الإخوان المسلمين عن تدشين حملة لمحاكمة اللواء محمد إبراهيم ـ مدير أمن الإسكندرية ـ لمسئوليته عن قتل خالد سعيد فضلاً عن حالة الانفلات الأمني التي بدأت في التصاعد منذ توليه مهامه بالمحافظة ومنها قيامه بمحاصرة ميدان الساعة واعتقال أكثر من 30 مواطناً دون تهمة، فضلاً عن عشرات حالات التعذيب التي تمت في أقسام الشرطة في عهده - حسب بيان الجماعة.

وأعلنت الجماعة في بيانها أن الحملة ستبدأ بجمع 100 ألف توقيع لمحاكمة مدير الأمن بالإسكندرية، ومن المنتظر عقد مؤتمر صحفي حسام الوكيلللإعلان عن متحدث رسمي باسم الحملة وإعلان خطواتها ومراحلها

الوقفه الصامته ف اسكندريه والقاهره

الأمن منع حتى الحبيبة يقعدوا على كورنيش النيل ... ايه الفزع ده من شوية شباب هايف على الفيس بوك زي ما بتسموهم؟

معلش يا شباب .. الأمن كان خايف من مجموعة إرهابيين لابسين إسود وماسكين معاهم مصاحف وأناجيل فقرر يعمل حظر تجول في القاهرة .. شكرا يا رجال الأمن البواسل .. أنقذتم مصر من أكبر شر ينتظرها .. كملوا بقه تعذيب للناس في أقسام الشرطة

نظمت الجمعية الوطنية للتغيير بالإسكندرية ظهر اليوم، الجمعة، وقفة احتجاجية حاشدة أمام مسجد القائد إبراهيم بحضور ممثلى القوى السياسية المختلفة من الإخوان المسلمين، وحزب الغد، والجبهة، وحركة الاشتراكيون الثوريون وغيرهم، تزامناً مع إعادة التحقيق فى قضية الشاب خالد سعيد المتهم بقتله شرطيين بقسم شرطة سيدى جابر ومطالبين بالقصاص من قتلته.

واحتشد المئات من المتظاهرين على رأسهم أبو العز الحريرى القيادى السابق بحزب التجمع، والمستشار محمد الخضيرى، وجورج إسحاق، وعبد الرحمن الجوهرى المنسق العام لحركة كفاية، والنائب الإخوانى صابر أبو الفتوح.

وعلت أصواتهم بهتافات حماسية وأشعار وأناشيد، وانتهت الوقفة بنشيد كفاية "مصر يا أم البلاد لسه فيكى اضطهاد فى السياسة والاقتصاد".

على الجانب الآخر، وقفت أكثر من 30 سيارة أمن مركزى وتقدم رجال الأمن اللواء محمد إبراهيم مدير أمن الإسكندرية.

ليا مين غيرك يا بلدى ليا مين .. يالى علمتنيى ايه معنى الحنين .. انتى الى ارضك طيبه .. والغربه فيكى قريبه .. وحنينه على قلبنا طول السنين .. فيها ايه يابلدى لو يوم نديكى .. دا احنا ياما اخدنا منك ... اه يابلدى ااااااااه يا بلدى اه ليه من غيرك يا بلدى ليا مين .. يالى علمتينى ايه معنى الحب والتضحيه والوطنيه والحنين ؟؟؟؟؟ (( وما من ظالم الا سيبلى بأظلم... ومن قتل يقتل ولو بعد حين وان كانت دوله الظلم ساعه فدوله العدل كل ساعه وهيا الباقيه والخير حتما سينتصر على الشر .. حانت بدايه النهايه وابدات ساعه الصفر .. فهل انت مستعدون

وهنا الامن وهو بيمنعهم من الوقوف




















.

https://www.youtube.com/watch?v=P8JJwvZoDEk&feature=player_embedded#!

https://www.youtube.com/watch?v=sVqGSkMhZLE&feature=related

https://www.youtube.com/watch?v=L9Fw5F4z8HQ&feature=related


https://www.youtube.com/watch?v=gtLOBds6C0k&feature=related

https://www.youtube.com/watch?v=yf2QdNUdpPE&feature=related

https://www.youtube.com/watch?v=QM5GS791zmc&feature=related

https://www.youtube.com/watch?v=KgLGXLjaBYI

https://www.youtube.com/watch?v=Pp7wyk5dkPI&feature=related

https://www.youtube.com/watch?v=sySTp22UgW4&feature=related

شباب الفيس بوك أقوى من أي وسيلة إعلامية في مصر ... مصريين في أمريكا راحوا للسفارة المصرية في واشنطن وعملوا وقفة صامتة زينا برضه .. بس طبعا مقدرتش السفارة تعمل لهم حاجة .. أصل دي أمريكا يا جماعة معندهمش أمن يضايق الناس اللي لابسة اسود

دى فى انجلترا