اختبار للحصول على الجنسيه المصريه

اختبار للحصول على الجنسيه المصريه

يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس - يا مصر)
5 - مصر هى أمي نيلها جوا...........(عبي - بطني - رجلي - جيبي - دمي)
6- رئيس مصر القادم السيد......(جمال مبارك - جمال مبارك – جمال مبارك - كل ما سبق)
7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)
8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)
9- اشهر مغني مصري هو عبدالحليم .... (دياب - حافظ - سموزين - فؤش)
السؤال الثاني:أكمل الجمل الآتية بكلام م الآخر:
1-انتبه من فضلك السيارة ترجع إلى............ ......... ...
2- ماما زمنها............ ......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
6- وهيلا هيلا ، هيلا هيلا هو ، الزمالك ........
7- دا شاب هيهي ، بيروح و ......
السؤال الثالث:ضع علامة صح أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت 'طارق نور' ( )
4- شاي الجوهرة حتة سكرة ( )
5- ميلودي تتحدى الملل فعلا ( )
السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك
السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي
3-وجود السحابة السوداء برغم ازالة جميع اكشاك البطاطا المتحركة
ربنا معاكم وتعرفوا تحلوا كويس
مقتبس

دا يعنى اجاوب ولا اعمل اية

اللى انتى عايزاه

ههههههههههههههههههههههههههههههههههههه
يا لذيذ يا رااااااااااااايق
بس ايه الاسئلة دى ؟؟ صعبة جدا
ومش ينفع حتى يتجاوب عليها خالص يا دندن
بس دمها خفييييف موووووووووت يا بازارو
/ ميرسى بازاراو/

العفو يا ميمى

ههههههههههههههههههه

موضوع جميل يا بازارو

شكرا يا سمسمة

هههههههههههههههههههههههههههههههههههههههههههههههه
موضوع جاااااااااااااااامد بس يا ريت نحذف الاسئله الخاصه بالزمالك يا مشمش ماشى؟؟؟

وفيه السؤال اللى معرفتوش بتاع رئيس مصر القادم مش عارف اختار مين؟؟

هههههههههههههههههه
أعتقد اللي عايز الجنسية المصرية مش محتاج يحل أي أسئلة
بس قشطة عليك يابازارو

موضوع دمه خفيف

هههههههههههههههههههههههههه
يا بازارو يا رايق
جامد والله يا حبي
بس رد دعاء ده رد جاااااااااامد
تحس فيه بالرد من غير نفس
و أنا جي أهدي النفوس

ههههههههههههههههههههههههههه
هدى النفوس يا عم كاسبر
سوبر والله سوبر

لا والله ده قصدي فعلا الوضوع بجد دمه تقيل قصدي خفيف

هدى ياكاسبر واية يا خوخ هتجوب على سوئل المشمش ياعنى هتجوب

شكرا يا كااسبر

و الحمد لله النفوس هااادية لوحدها

اساسا وعاء احمد لا يوجد رد على كلامها و لا تعليق

اما بالنسبة لخوخة فلو جدع جاااوب على الاسئلة بما فيهم سؤال الزمالك

اول مره يا جماعه اشوف حد الدغ في حرف الدال وعجبك كده يا كاسبر يا الي بتهدي النفوس

هههههههههههههههههههههههههههههههههه
النفوس هاديه لوحدها يا كاسبر

ههههههههههههههههههه

طب بجد الموضوع جامد ولذيذ

ضحكتنى فعلا وشكرا يا جامد

اى خدعة يا بيج

يا بندق بالنسبه للسؤال اللى انت معرفتش تجاوبه بتاع رئيس مصر
القادم طبعا الحل معرووووووووووووف

الاجابه جميع ما سبق
هههههههههههههه

هههههههههههههههههههههههههه
يا جماعه عيب بقا أنتو عارفين كويس أن أنا بهدي النفوس
وبعدين يا دعاء أنتي جايه تعلقي أنو ألدغ في حرف الدال
وايه المشكله يعني الراجل كتر خيرو لاقاكي مبتعرفيش تنطفي حرف الميم عداهالك في كلمه الموضوع (الوضوع )
ولا ايه
بهدي والله بهدي

» فرصة مجانية للحصول على لاب توب مجانى
» العبد والشيطان جوجوجوجوجوجو الاغنيه اللى موجوده فى كل الشوارع المصريه