احب اعرف رأيكم بجد

لو تلاحظوا يا جماعة حاجة مهمة
انا مش بارفع على المنتدى الا تلاوات من نوع التسجيلات المجودة او ما يقال عنها تسجيلات الخارجى الحفلات و اللى بالبلدى تلاوات المعازى

ماحدش سأل ليه و اشمعنى النوع ده من التلاوات ؟؟ و مش تلاوات عبدالباسط مثلا او المنشاوى او مشارى راشد
لان النوع ده من التلاوة بيكون المقرىء هادىء التلاوة يعنى مش بيقرأ متسرع بيقرأ على مهله و ده بيخلى فرصة الاستماع افضل و كمان فهم معانى القرأن الكريم

كمان من اهم احكام التلاوة المجودة هو اعادة و تكرار الايات ذات المعنى و الحكمة الطيبة و تكرار الايات اللى فيها موطن عظة من الله سبحانه و تعالى و اللى حنطلع منها بدرس و قيمة

و ده بيفيد اكتر طبعا اننا نتعلم حاجات جديدة من القرأن

كمان تلاوة الحفلات دى بتخليك تستمع و تزداد حبا فى سماع القرأن و بعدين تبدأ تقرأ بنفسك و من هنا يجى الثواب ان شاء الله

كمان و اتحدى اى شخص يستمع للشيوخ المجودة و اللى صوتهم بيكون جميل جدا جدا اتحدى انه يسرح و هو بيسمع حتى لو كان بيشتغل حيقدر يركز فى الامرين
لكن لو بتسمع القرأن المرتل العادى لازم حتسرح و انت بتسمع و ممكن تبقى مشغل القرأن و خلاص و ما توصلكش اى حاجة

كمان القرأن المجود حفلات يساعدك على حفظ القرأن الكريم و ايضا معرفة السور من بعضها

حاجة كمان بتعرف القرأة السليمة لان المقرىء بيقرأ بهدوء و تقدر تركز فى مخارج الالفاظ كويس جدا

اتمنى حاجة واحدة

جربوا و مش حتخسروا اى حاجة
بالعكس
ان شاء الله تستفيدوا و ينعم الله عليكم بحب سماع و قرأة القرأن

احنا فعلا جربنا مش لسه هنجرب يا بازارو وكلامك صح طبعا
فعلا القران المجود بيكون اوضح بكتير من التلاوات الاخرى
ميرسى يا بازارو
جزاك الله كل خير

بارك الله فيك يا بازارو والشيخ اسامه جلال عامر وغيره من القراء من رايى صوتهم اجمل واقوى وقدرتهم على قراءة القران بنفس اعمق
انا بحييك على مجهودك فى رفع ايات القران الكريم من اجل شبكة المصريين
جزاك الله كل خير يا بازارو
وسوبر والله سوبر

جميل اوى

و انا من ناحيتى حاحاول ارفع اجمل الاصوات المجودة للقرأن الكريم

ميرسىىىىىىىىىىى
جزاك الله كل خير

قشطه عليك يا بازارو
وسوبر والله سوبر

قشطة عليك انت يا بندق

شكرا لكم كلكوا

انا حملتها يابازارو ومستنية الباقي وتسلم ايدك جامدة جدا

تسلمى يا روبا

» تحميل شبه منحرف من شبكة المصريين وحصرياااااااااااااااااااااااااا